長江一號：撤資冇理由撤最細嗰檔

首隻H股青啤（168）來港上市，彈指間過了20年，雖然06年高𥧌過後，近年H股上市數目及集資額大減，但當年一手推動H股上市的前聯交所及港交所（388）主席李業廣深信，優質H股仍有大把貨，只待上市時機。

[img]http://static.apple.nextmedia.com/images/apple-photos/apple/20130819/large/b0101a.gif[/img]


[img]http://static.apple.nextmedia.com/images/apple-photos/apple/20130819/large/19bi01p.jpg[/img]
■李業廣堅信，仍有大把優質國企來港上市。　

在港上市的H股由1993年只得6隻，發展至今有176隻，06年是H股上市高𥧌，工商銀行（1398）及中國銀行（3988）等巨無霸來港上市，令當年H新股集資總額超過2,200億元，可惜此後H新股市場無復當年勇，年初至今甚至只得兩隻H股上市。
李業廣承認，06年是最旺的一年，但H股質素是否高𥧌已過，他就「唔敢講」。他指06年市場氾濫游資，助H股市場創出高𥧌。到08年爆發金融海嘯，情況逆轉，銀行收緊銀根，「到今日都未復原」，新股集資規模難免縮減，「呢個係世界經濟氣候，唔係我哋控制得到。」

[img]http://static.apple.nextmedia.com/images/apple-photos/apple/20130819/large/b01a01a.gif[/img]
■中證金融總經理聶慶平當年在中證監負責制訂H股上市規則，將資料著書，並贈送一本予李業廣。

[b]讚朱鎔基利國偉居功至偉[/b]
他堅信，還有好多優質H股可以來港上市，舉例「鐵路、電網、公路，基建，嗰啲全部都係對象，仲有科技同埋電訊網絡，所以好多㗎。」
作為H股推手，市場一直視李業廣為「頭號功臣」，他卻謙稱，時任副總理朱鎔基及剛辭世的一代華人銀行家利國偉，居功至偉。
李業廣92年接替利國偉任聯交所主席，他盛讚利國偉為聯交所進行改革，打好基礎，他才有空間為聯交所推動發展工作，才有H股來港上市。
「佢（利國偉）打好咗個基礎，基本上《戴維森改革》已經差唔多做完，所以變咗我有時間去做市場發展。」
再配合中央計劃讓國企面向世界，李業廣主動向中央出謀獻計，建議讓H股赴港上市，「以政府部門形式去做就好難去競爭，所以一定要改革成股份制。」
可是，當年好多人擔心內地未有公司法，會計準則跟不上國際標準，投資者保障欠奉，於是有人提議設立上市標準較低的第二板，方便H股上市。

[img]http://static.apple.nextmedia.com/images/apple-photos/apple/20130819/large/19bi02p.jpg[/img]
■李業廣有一對仔女、6個乖孫，他的辦公室內擺放了不少家庭照。

[b]當年推動H股　捱出癌症[/b]
李業廣卻極力反對，指「你一出世就係二等公民，第日想轉一等公民，轉唔轉到呀？」故寧願放慢腳步，亦要國企跟國際標準來港上市，並獲朱鎔基支持。「我認為成個H股成功，最主要因為佢，係佢決定用國際標準。」
不說不知，李業廣當年還因為推動H股上市，間接捱出癌症。「我無意中發現左邊個腎有粒瘤，應該係cancer，但醫生話粒瘤都未散，割咗佢就得」。李業廣多年來原來只得一個腎，不過他說起來輕描淡寫，甚至笑着強調，其實人只需要半個腎，不明白為何生下來要有兩個，真令人哭笑不得。
除利國偉奠基、朱鎔基首肯，本地專業團體的支持亦不容忽略。當年七大會計師樓（未合併或退出前）、律師樓及投資銀行，連同證監會及聯交所等，合共60人，就自費到北京開壇兩星期，為超過200位內地官員及國企高層介紹各項國際準標，為他們做好準備。
「當時嘅人幾擁護，個個都覺得呢件嘢係啱，應該要做，自己出錢都去」。李業廣沒說的是，H股以後多年為這班專業團體帶來龐大賺錢機會。


來源:蘋果日報網站