29投行護航反添混亂

原本有機會問鼎今年集資額最大新股的萬洲國際（288），最後卻要以勁減集資規模收場。萬洲破天荒聘請了29間投行為承銷商，原以為用如此龐大陣容護航，可分散貨源，增加成功上市機會，但最後卻適得其反，有機構投資者反映，安排令他們感到混亂。
有業內人士分析，原本公司聘請更多承銷商，是為擴大可接觸到的投資者層面，只是當數目一旦過多，反造成「太多和尚冇水食」的情況。
「一係就大家鬥搶客，造成混亂；一係爭唔到主要角色投行就放軟晒手腳，唔落力sell貨，因預計到分唔到太多佣金。請咁多投行其實幫唔到手，反而有可能搞亂檔。」
路透社引述部份機構投資者指，萬洲招股有太多投行參與，使他們「一日收到不同銀行的電話，談的卻是同一宗交易」，讓人感到反感及無所適從。

[img]http://static.apple.nextmedia.com/images/apple-photos/apple/20140423/large/15396585z.jpg[/img]
■萬洲招股聘請29間投行為承銷商，最後卻適得其反。

來源:蘋果日報網站